Sunna Karen er nýjasti ritstjóri Íslands Jakob Bjarnar skrifar 15. febrúar 2018 14:37 Ritstjórarnir Kristín Þorsteinsdóttir og Sunna Karen. Ritstjórnarstefna vefsins verður sú hin sama og blaðsins. visir/hanna Nýr fréttavefur Fréttablaðsins – frettabladid.is – fór í loftið með formlegum hætti og við hátíðlega athöfn í dag. Kristín Þorsteinsdóttir aðalritstjóri og útgefandi hélt stutt ávarp, sagði meðal annars að þetta yrði öðruvísi vefur en eru fyrir. Við svo búið opnaði Lilja Dögg Alfreðsdóttir mennta- og menningarmálaráðherra vefinn með formlegum hætti.Enginn nýgræðingur þó ung að árum sé Ritstjóri frettbladid.is er Sunna Karen Sigurþórsdóttir og er því nýjasti ritstjóri Íslands. Sunna Karen er ung að árum, aðeins 26 ára gömul, en hún er þó enginn nýgræðingur í blaðamennsku. Hún hefur starfað á 365 miðlum frá árinu 2010; Vísi, Bylgjunni, Stöð 2 og Fréttablaðinu frá í nóvember 2017. „Ég hef starfað í fjölmiðlum í um fimm ár, þar af lengst af á vefmiðli. Mér var boðið að taka þetta verkefni að mér á síðasta ári og ákvað strax að slá til, enda þykir mér spennandi að fá að taka þátt í stofnun nýs fjölmiðils, og að sama skapi verður þetta góður lærdómur inn í framtíðina. Verkefnið hefur verið strembið á köflum en við erum loks farin að sjá uppskeruna og erum afskaplega sátt við hvernig til hefur tekist,“ segir Sunna en það reyndist erfitt að ná hana til að setjast niður og ræða við blaðamann Vísis. Enda í mörg horn að líta.Ætlaði sér í fréttamennskunaSunna Karen segir að áhugi á fjölmiðlum og blaðamennsku hafi gert vart við sig þegar á unglingsárum.Lilja Dögg var fengin til að opna vefinn með formlegum hætti nú í hádeginu.visir/hanna„Ég hugsa að hann sé tilkominn vegna áhuga á íslensku, ritstíl og málnotkun. Ég hef alltaf haft gaman að því að skrifa. Ég var sautján ára þegar ég sótti fyrst um starf í blaðamennsku og hélt uppteknum hætti þar til ég var loks ráðin, þá 21 árs. Þáverandi ritstjóri hafði reyndar litla trú á að þetta gengi upp, enda var ég bæði ung og óreynd. Ég setti mér hins vegar strax nokkur markmið; að reyna fyrir mér á öllum miðlum fyrirtækisins – útvarpi, sjónvarpi, vef og blaði, á fyrsta árinu, og það gekk eftir.“Stundirnar með Gissuri eftirminnilegarStarf blaðamanns er fjölbreytt, enginn dagur er eins og Sunna segist ekki geta sagt af einhverju einu tilteknu eftirminnilegu atviki. „Þó eru morgunvaktirnar með Gissuri Sigurðssyni séu alltaf ofarlega í huga,“ segir Sunna. Að sögn Sunnu Karenar hefur lengi staðið til að opna vefmiðil fyrir Fréttablaðið en farið var að ræða það af alvöru haustið 2016. „Við fengum til liðs við okkur breskt teymi sem hafði áður hannað nýtt útlit Fréttablaðsins. Hunter Studios heitir fyrirtækið.“Sama ritstjórnarstefna og FréttablaðsinsVefurinn opnaði með óformlegum hætti í vikunni og Sunna Karen segir þetta hafa farið afskaplega vel af stað. „Það er virkilega öflugt teymi starfandi á vefnum og viðtökurnar hafa verið mjög jákvæðar.“En, hver eru markmiðin? „Markmið okkar eru að halda úti öflugum fréttavef með góðum og áreiðanlegum fréttum, en við erum á vaktinni kvölds og morgna. Við höfum opnað flottan fasteignavef og gefum fólki kost á að senda inn minningargreinar, en hingað til hafa minningargreinar ekki verið nægilega aðgengilegar. Svo munum við bjóða upp á ýmsar nýjungar sem munu líta dagsins ljós á næstu vikum og mánuðum. --- Í stuttu máli lútum við sömu ritstjórnarreglum og Fréttablaðið. Ritstjórnin er sjálfstæð og við segjum sannar og áreiðanlegar fréttir.“Þróaður fasteignavefurEn, nú sagði Kristín Þorsteinsdóttir þá er vefurinn var opnaður fyrr í dag að þetta yrði öðruvísi vefur, hvernig þá? „Fréttablaðið.is er hefðbundinn fréttamiðill. Við höfum lagt mikla vinnu í hönnun vefsins og að gera hann aðgengilegan og einfaldan í notkun. Ritstjórnin er afar metnaðarfull og ljósmyndadeild blaðsins sú öflugasta á landinu. Fréttirnar eru ítarlegar og unnar í samvinnu við ljósmyndara. Þær nýjungar sem þegar hafa litið dagsins ljós eru meðal annars minningargreinarnar – líkt og áður sagði – og fasteignavefurinn okkar sem er líklega sá þróaðasti á landinu, en þar er ýmis konar talnaefni og margt margt fleira. Við erum bara rétt að byrja og ýmislegt í farvatninu.“Kristín Þorsteinsdóttir aðalritstjóri og Lilja Dögg í opnunarhófinu.visir/hannaMiðað við efni og aðstæður hlýtur markmiðið að vera það að skipa sér í hóp mest lesnu netmiðla landsins en Sunna Karen er ekki fáanleg til að slá neinu föstu í þeim efnum. „Ég er ekki farin að hugsa svo langt. Vefurinn er nýfarinn í loftið og ég tek eitt skref í einu. Sígandi lukka er best, er það ekki? Markmiðin eru að vinna góðar fréttir. Árangurinn kemur samhliða því.“Sóknarfæri í minningargreinum En, þú sérð sóknarfæri í minningargreinum og vönduðum fréttaflutningi? Finnst þér gat í markaði þar? Að fréttaflutning á Íslandi megi bæta? „Ég er almennt ánægð með fréttaflutning á Íslandi. En með stofnun nýs fjölmiðils skapast aukin samkeppni og aukin pressa á að gera betur og meira. Varðandi minningargreinarnar, sem er raunar langt frá því eina sem við munum bjóða upp á, þá já – tel ég að þar hafi verið gat í markaði. Það hefur ekki verið aðgengilegur vettvangur fyrir minningargreinar og tel ég að við séum nú að bæta þar úr.“Vísir vill nota þetta tækifæri og óska fyrrum samstarfsmönnum og öðrum aðstandendum hjartanlega til hamingju með daginn og hinn nýja vef. Vistaskipti Mest lesið Ólík sýn á hvort Ísland eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Skítkast í „skrýtinni og óvæginni“ kosningabaráttu Innlent Friðartillaga Ísraela sem Biden kynnti virðist fá hljómgrunn Erlent VÍS þarf að bæta hluta jarðýtu í mannskæðu vinnuslysi Innlent „Við útrýmum ekki ofbeldi með hatri“ Innlent Forsetavaktin: Sjöundi forseti lýðveldisins verður kjörinn Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Fleiri fréttir Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Sjá meira
Nýr fréttavefur Fréttablaðsins – frettabladid.is – fór í loftið með formlegum hætti og við hátíðlega athöfn í dag. Kristín Þorsteinsdóttir aðalritstjóri og útgefandi hélt stutt ávarp, sagði meðal annars að þetta yrði öðruvísi vefur en eru fyrir. Við svo búið opnaði Lilja Dögg Alfreðsdóttir mennta- og menningarmálaráðherra vefinn með formlegum hætti.Enginn nýgræðingur þó ung að árum sé Ritstjóri frettbladid.is er Sunna Karen Sigurþórsdóttir og er því nýjasti ritstjóri Íslands. Sunna Karen er ung að árum, aðeins 26 ára gömul, en hún er þó enginn nýgræðingur í blaðamennsku. Hún hefur starfað á 365 miðlum frá árinu 2010; Vísi, Bylgjunni, Stöð 2 og Fréttablaðinu frá í nóvember 2017. „Ég hef starfað í fjölmiðlum í um fimm ár, þar af lengst af á vefmiðli. Mér var boðið að taka þetta verkefni að mér á síðasta ári og ákvað strax að slá til, enda þykir mér spennandi að fá að taka þátt í stofnun nýs fjölmiðils, og að sama skapi verður þetta góður lærdómur inn í framtíðina. Verkefnið hefur verið strembið á köflum en við erum loks farin að sjá uppskeruna og erum afskaplega sátt við hvernig til hefur tekist,“ segir Sunna en það reyndist erfitt að ná hana til að setjast niður og ræða við blaðamann Vísis. Enda í mörg horn að líta.Ætlaði sér í fréttamennskunaSunna Karen segir að áhugi á fjölmiðlum og blaðamennsku hafi gert vart við sig þegar á unglingsárum.Lilja Dögg var fengin til að opna vefinn með formlegum hætti nú í hádeginu.visir/hanna„Ég hugsa að hann sé tilkominn vegna áhuga á íslensku, ritstíl og málnotkun. Ég hef alltaf haft gaman að því að skrifa. Ég var sautján ára þegar ég sótti fyrst um starf í blaðamennsku og hélt uppteknum hætti þar til ég var loks ráðin, þá 21 árs. Þáverandi ritstjóri hafði reyndar litla trú á að þetta gengi upp, enda var ég bæði ung og óreynd. Ég setti mér hins vegar strax nokkur markmið; að reyna fyrir mér á öllum miðlum fyrirtækisins – útvarpi, sjónvarpi, vef og blaði, á fyrsta árinu, og það gekk eftir.“Stundirnar með Gissuri eftirminnilegarStarf blaðamanns er fjölbreytt, enginn dagur er eins og Sunna segist ekki geta sagt af einhverju einu tilteknu eftirminnilegu atviki. „Þó eru morgunvaktirnar með Gissuri Sigurðssyni séu alltaf ofarlega í huga,“ segir Sunna. Að sögn Sunnu Karenar hefur lengi staðið til að opna vefmiðil fyrir Fréttablaðið en farið var að ræða það af alvöru haustið 2016. „Við fengum til liðs við okkur breskt teymi sem hafði áður hannað nýtt útlit Fréttablaðsins. Hunter Studios heitir fyrirtækið.“Sama ritstjórnarstefna og FréttablaðsinsVefurinn opnaði með óformlegum hætti í vikunni og Sunna Karen segir þetta hafa farið afskaplega vel af stað. „Það er virkilega öflugt teymi starfandi á vefnum og viðtökurnar hafa verið mjög jákvæðar.“En, hver eru markmiðin? „Markmið okkar eru að halda úti öflugum fréttavef með góðum og áreiðanlegum fréttum, en við erum á vaktinni kvölds og morgna. Við höfum opnað flottan fasteignavef og gefum fólki kost á að senda inn minningargreinar, en hingað til hafa minningargreinar ekki verið nægilega aðgengilegar. Svo munum við bjóða upp á ýmsar nýjungar sem munu líta dagsins ljós á næstu vikum og mánuðum. --- Í stuttu máli lútum við sömu ritstjórnarreglum og Fréttablaðið. Ritstjórnin er sjálfstæð og við segjum sannar og áreiðanlegar fréttir.“Þróaður fasteignavefurEn, nú sagði Kristín Þorsteinsdóttir þá er vefurinn var opnaður fyrr í dag að þetta yrði öðruvísi vefur, hvernig þá? „Fréttablaðið.is er hefðbundinn fréttamiðill. Við höfum lagt mikla vinnu í hönnun vefsins og að gera hann aðgengilegan og einfaldan í notkun. Ritstjórnin er afar metnaðarfull og ljósmyndadeild blaðsins sú öflugasta á landinu. Fréttirnar eru ítarlegar og unnar í samvinnu við ljósmyndara. Þær nýjungar sem þegar hafa litið dagsins ljós eru meðal annars minningargreinarnar – líkt og áður sagði – og fasteignavefurinn okkar sem er líklega sá þróaðasti á landinu, en þar er ýmis konar talnaefni og margt margt fleira. Við erum bara rétt að byrja og ýmislegt í farvatninu.“Kristín Þorsteinsdóttir aðalritstjóri og Lilja Dögg í opnunarhófinu.visir/hannaMiðað við efni og aðstæður hlýtur markmiðið að vera það að skipa sér í hóp mest lesnu netmiðla landsins en Sunna Karen er ekki fáanleg til að slá neinu föstu í þeim efnum. „Ég er ekki farin að hugsa svo langt. Vefurinn er nýfarinn í loftið og ég tek eitt skref í einu. Sígandi lukka er best, er það ekki? Markmiðin eru að vinna góðar fréttir. Árangurinn kemur samhliða því.“Sóknarfæri í minningargreinum En, þú sérð sóknarfæri í minningargreinum og vönduðum fréttaflutningi? Finnst þér gat í markaði þar? Að fréttaflutning á Íslandi megi bæta? „Ég er almennt ánægð með fréttaflutning á Íslandi. En með stofnun nýs fjölmiðils skapast aukin samkeppni og aukin pressa á að gera betur og meira. Varðandi minningargreinarnar, sem er raunar langt frá því eina sem við munum bjóða upp á, þá já – tel ég að þar hafi verið gat í markaði. Það hefur ekki verið aðgengilegur vettvangur fyrir minningargreinar og tel ég að við séum nú að bæta þar úr.“Vísir vill nota þetta tækifæri og óska fyrrum samstarfsmönnum og öðrum aðstandendum hjartanlega til hamingju með daginn og hinn nýja vef.
Vistaskipti Mest lesið Ólík sýn á hvort Ísland eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Skítkast í „skrýtinni og óvæginni“ kosningabaráttu Innlent Friðartillaga Ísraela sem Biden kynnti virðist fá hljómgrunn Erlent VÍS þarf að bæta hluta jarðýtu í mannskæðu vinnuslysi Innlent „Við útrýmum ekki ofbeldi með hatri“ Innlent Forsetavaktin: Sjöundi forseti lýðveldisins verður kjörinn Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Fleiri fréttir Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Sjá meira